«Ikkiyuzlamachiligingiz o‘zingizga siylov» – Zelenskiy ofisida Putinning bayonotiga munosabat bildirishdi
Ukraina prezident devoni rahbarining maslahatchisi Mixail Podolyak Rossiya prezidenti Vladimir Putinning Rojdestvo munosabati bilan o‘t ochish rejimini to‘xtatish bo‘yicha bayonotiga munosabat bildirdi. Podolyakning aytishicha, Rossiyaning bu «vaqtincha yarashuvi» ikkiyuzlamachilikdan boshqa narsa emas.
«Birinchidan, Ukraina Rossiya kabi birovning yerini bosib olgani yo‘q va Rossiya kabi oddiy fuqarolarni o‘ldirmayapti. Ukraina o‘z hududiga kelgan bosqinchi armiya vakillarini o‘ldirmoqda.
Ikkinchidan, Rossiya bosib olgan hududlarni tark etishni boshlasa, ana shu «vaqtincha kelishuv»ning boshlanishi bo‘ladi. Ikkiyuzlamachiligingiz o‘zingizga siylov», deb yozdi Podolyak o‘zining Twitter sahifasida.
Avvalroq Rossiya prezidenti Putin pravoslav nasroniylari nishonlaydigan Rojdestvo bayrami munosabati bilan 6 yanvar kun yarmidan 7 yanvar yarim tunga qadar Ukrainada o‘t ochish rejimi to‘xtatilishini e’lon qilgandi.
Mavzuga oid
20:07
Zelenskiy Rossiya bilan muzokaralar bo‘yicha pozitsiyasini nega o‘zgartirganini tushuntirdi
18:42
Rossiya Ukraina bo‘yicha tinchlik sammitida qatnashmaydi
18:17
Frontdagi vaziyat: Kursk oblastida tomonlar navbatma navbat qarshi hujumga o‘tmoqda
15:24