Qoʻshimcha funksionallar
-
Tungi ko‘rinish
Xorazmda haydovchilik guvohnomasi imtihonidan o‘tkazib bermoqchi bo‘lgan firibgarlar ushlandi
Katta pul evaziga haydovchilik guvohnomasini olish uchun imtihondan o‘tkazib berishni va’da qilganlar hibsga olindi.
Foto: IIB axborot xizmati
Xorazm viloyati, Urganch tumanida 2022 yil 21 dekabr kuni o‘tkazilgan tezkor tadbir natijasida Qipchoq mahallasida yashovchi, 1980 yilda tug‘ilgan T.Sh. qilmishi fosh etildi. U boshqa fuqaroni haydovchilik guvohnomasi imtihonidan tanishlari orqali o‘tkazib berishiga ishontirib, evaziga 700 dollar talab qilib, 600 dollar va 1,1 mln so‘m pulni olayotgan paytida ashyoviy dalillar bilan jinoyat ustida ushlangan.
Shuningdek, 2022 yil 17 dekabr kuni o‘tkazilgan tezkor tadbir natijasida Qo‘shko‘pir tumani, Qadriyat mahallasida istiqomat qiluvchi, 1992 yilda tug‘ilgan D.E. ikki nafar fuqaroni haydovchilik guvohnomasi imtihonidan o‘tkazib berishiga ishontirib, evaziga har biri 300 dollar berishi lozimligini aytib, ulardan jami 500 dollar va 1,1 mln so‘m pulni olgan paytida jinoyat ustida ushlandi.
Ushbu holatlar yuzasidan Jinoyat kodeksining 168-moddasi (Firibgarlik) 1-qismi bilan jinoyat ishi qo‘zg‘atilib, tergov harakatlari olib borilmoqda.
Mavzuga oid
21:59 / 31.10.2024
Toshkentda «prava» olish uchun imtihon narxi oshgani rad etildi
22:25 / 20.10.2024
Firibgarlar Telegram orqali fotosurat ko‘rinishida virus yubormoqda
15:12 / 20.10.2024
O‘zini bank xodimi deb tanishtirib, fuqaroning pullarini o‘zlashtirgan shaxsga jinoyat ishi qo‘zg‘atildi
08:10 / 17.10.2024