Eronda Ozarboyjon elchixonasiga qurolli hujum uyushtirildi
Elchixona xodimi halok bo‘ldi, yana ikki nafari jarohatlandi.
Tehronda Ozarboyjon elchixonasiga qurolli hujum uyushtirildi. Oqibatda elchixona xavfsizlik xizmati boshlig‘i halok bo‘ldi, yana ikki xodim yaralandi, deb xabar berdi Ozarboyjon TIV matbuot xizmatiga tayangan holda «Kommersant’».
TIV ma’lumotlariga ko‘ra, hujum mahalliy vaqt bilan soat 8:30 atrofida sodir bo‘lgan. Kalashnikov avtomati bilan qurollangan shaxs elchixonaga bostirib kirib, o‘q uzgan. Xavfsizlik xizmati xodimlaridan biri u bilan kurashib, qurolni tortib olishga uringan.
Hujum tafsilotlari aks etgan videoni Rossiya TIV vakili Mariya Zaxarova e’lon qildi. U «elchixona xodimi xuddi sher kabi kurashganini» ta’kidladi.
Tehron politsiyasi boshlig‘i Sardor Husayn Rahimiy hujumchi qo‘lga olinganini ma’lum qildi. Tasnim agentligi xabariga ko‘ra, erkak «shaxsiy va oilaviy muammolar» tufayli hujum uyushtirganini aytgan.
Ozarboyjon elchixonasiga qurolli hujum uyushtirish fakti yuzasidan tergov boshlandi. Ozarboyjon TIV voqea tafsilotlari haqida qo‘shimcha ma’lumotlar keyinroq batafsil e’lon qilinishini ta’kidladi.
Mavzuga oid
16:57 / 22.09.2024
Eronda ko‘mir konida portlash ro‘y berdi. O‘nlab kishilar halok bo‘lgan
22:15 / 21.09.2024
Eron oliy rahnamosi 40 nafar chet el fuqarosini afv etdi
09:50 / 20.09.2024
Toshkentda O‘zbekiston-Ozarboyjon maslahatlashuvlari bo‘lib o‘tdi
18:21 / 19.09.2024