Qoʻshimcha funksionallar
-
Tungi ko‘rinish
O‘zbekiston va Afg‘oniston chegarasidagi qamishzorlarga rejali ravishda o‘t qo‘yilmoqda
Bu choralar zararkunanda hasharotlar ko‘payishi va yuqumli kasalliklar tarqalishining oldini olishga qaratilgan.
Foto: Facebook / Quvonchbek Isayevich
O‘zbekiston va Afg‘oniston chegarasida rejali yoqish ishlari o‘tkazilmoqda. Bu haqda Surxondaryo viloyati hokimligi xabar berdi.
Avvalroq, ijtimoiy tarmoqlarda Termiz shahri atrofida kuchli yong‘in yuz bergani tasvirlangan fotosuratlar tarqalgan edi.
Qayd etilishicha, Amudaryo orolchalaridagi qamishzorlarda turli kasalliklar tashuvchisi hisoblangan zararkunanda hasharotlar ko‘payishi va yuqumli kasalliklar tarqalishining oldini olish uchun rejali tartibda o‘t qo‘yish ishlari olib borilmoqda.
«Tadbir mutasaddi idoralar ruxsati hamda mas’ul organlarning o‘zaro kelishuvi asosida amalga oshirilib, orolchalardagi yong‘in ko‘lami to‘liq nazoratga olingan», deyiladi xabarda.
Tadbir belgilangan rejaga muvofiq olib borilayotgani aytilgan va fuqarolardan ortiqcha vahimaga berilmaslik so‘ralgan.
Mavzuga oid
10:00
Prezident maxsus vakili Niderlandiya elchisi va AQSh eksperti bilan Afg‘onistondagi vaziyatni muhokama qildi
20:01 / 01.11.2024
O‘zbekiston Qahramoni Ahmad Narzullayev vafot etdi
17:49 / 31.10.2024
Toshkentdagi ko‘p qavatli uyda yong‘in chiqdi. Bir kishi halok bo‘lgan
21:01 / 29.10.2024