Rossiya yana Ukrainaga dronlar bilan hujum qildi
Ukrainaning bir qator viloyatlarida Rossiya qo‘shinlari tomonidan uchuvchisiz uchoqlar uchirilishi munosabati bilan havo ogohlantirish rejimi ishga tushirildi.
Dnipropetrovsk viloyati aholisi mahalliy viloyat harbiy ma’muriyati tomonidan hujum haqida ogohlantirildi, Mikolayiv viloyatida kamida bitta uchuvchisiz uchish apparati urib tushirildi, deb xabar berdi viloyat politsiya boshqarmasi boshlig‘i Sergey Shayxet.
Rossiya va Eron rasmiylari Tataristonning Yelabuga shahrida Eronning Shahed-136 kamikadze dronlarini ishlab chiqaruvchi zavod qurishni rejalashtirmoqda, deb yozgandi The Wall Street Journal 5 fevral kuni manbalarga tayanib.
WSJ suhbatdoshlariga ko‘ra, yanvar oyi boshida Eronning generallar va qurol-yarog‘ ishlab chiqaruvchi kompaniyalar top-menejyerlaridan iborat yuqori martabali delegatsiyasi Rossiyaga kelgan. Ular zavod qurilishi rejalashtirilgan maydonga tashrif buyurishdi va loyihani ishga tushirish uchun zarur bo‘lgan tafsilotlarni muhokama qilishdi.
Oq uy Kremlning bunday niyatlari haqida o‘tgan yilning dekabr oyida xabar bergan edi, deya qayd etadi WSJ. Hozir, AQSh ma’muriyatining manbalariga ko‘ra, muzokaralar aniq rejalarga aylangan. Shu bilan birga, gazeta yozganidek, zavod qurilishi hali boshlanmagan va shuning uchun u hali frontdagi vaziyatga ta’sir qilmaydi.
Tehron va Moskva Eronning Shahed-136 dronining takomillashtirilgan, tezroq versiyasini ishlab chiqmoqchi. Rejaga ko‘ra, zavod «yaqin yillarda» 6 mingga yaqin dron ishlab chiqarishi mumkin bo‘ladi, deb yozadi WSJ.
Mavzuga oid
22:02 / 05.10.2024
G‘arb va Ukraina urushni tugatish sxemasini muhokama qilmoqda - OAV
21:58 / 05.10.2024
Rossiyada kvadrobika taqiqlanishi mumkin
12:50 / 05.10.2024
Fitso urushdan keyin RF bilan munosabatlarni tiklashni yoqlab chiqdi
10:50 / 05.10.2024