Qoʻshimcha funksionallar
-
Tungi ko‘rinish
Qoraqalpog‘istonda 44 yoshli erkakni yo‘lovchi poyezdi bosib ketdi
Qo‘ng‘irot-Toshkent yo‘nalishida harakatlanuvchi yo‘lovchi poyezdi odam bosib ketgan. Fuqaro voqea joyining o‘zida vafot etgan.
24 mart, juma kuni Qo‘ng‘irot—Toshkent yo‘nalishidagi yo‘lovchi poyezdi Ellikqal’a—To‘rtko‘l bekatlari oralig‘ida harakatlanib borayotgan vaqtda poyezd yo‘liga chiqib qolgan fuqaroni bosib ketgan. Bu haqda Transport prokuraturasi ma’lum qildi.
Ta’kidlanishicha, 1979 yilda tug‘ilgan fuqaro X.Sh ehtiyotsizlik oqibatida poyezd yo‘liga chiqib qolgan. U olgan tan jarohatlari tufayli voqea joyida vafot etgan. Voqea 16:00 atrofida sodir bo‘lgani aytilmoqda.
Holat yuzasidan Orolbo‘yi transport prokuraturasi tomonidan tergovga qadar tekshiruv harakatlari olib borilmoqda.
Avvalroq Qashqadaryoda teplovoz 19 yoshli qizni, “Afrosiyob” tezyurar poyezdi esa 4 yoshli bog‘cha bolasini bosib ketgani haqida xabar berilgandi.
Mavzuga oid
10:30 / 10.11.2024
Qoraqalpog‘istonda sodir bo‘lgan YTHda piyoda vafot etdi
18:32 / 28.10.2024
Qoraqalpog‘iston Respublikasi Vazirlar Kengashi raisiga yangi o‘rinbosar tayinlandi
21:17 / 25.10.2024
Qo‘ng‘irot–Beyneu yo‘lining 240 kilometrlik qismi foydalanishga topshirildi
12:10 / 25.10.2024