XVJ global yalpi ichki mahsulot o‘sishi prognozini pasaytirdi

Xalqaro valuta jamg‘armasi (XVJ) global yalpi ichki mahsulot o‘sishi prognozini 2023 yilda 2,8 foizga, 2024 yilda esa 3 foizga tushirdi. Bu haqda jamg‘armaning 11 aprel, seshanba kuni taqdim etilgan jahon iqtisodiyotini rivojlantirish istiqbollari haqidagi hisobotida aytiladi.

XVJning yanvar oyidagi hisoboti bilan solishtirganda, 2023 va 2024 yillarda prognoz qilingan global yalpi ichki mahsulot o‘sishi 0,1 foiz punktga yomonroq bo‘lgan. «Shunday qilib, biz iqtisodiy o‘sish tarixiy me’yorlar bo‘yicha zaif bo‘lib qolayotgan, moliyaviy risklar kuchaygan, ammo inflatsiya hali hal qiluvchi cho‘qqiga chiqmagan qiyin bosqichga kirmoqdamiz», — dedi XVJ bosh iqtisodchisi Per-Olive Gurinsha.

Hisobot, shuningdek, Germaniya iqtisodiyoti uchun yanada pessimistik prognozni o‘z ichiga oladi, bu yil ishlab chiqarishning 0,1 foizga qisqarishi bilan yengil retsessiya bashorat qilinyapti. Jamg‘arma 2024 yilda Germaniya iqtisodiyoti 1,1 foizga o‘sishiga ishonmoqda.

Umuman olganda, joriy yilda yagona valuta zonasining 20 ta davlati iqtisodiyoti Xalqaro valuta jamg‘armasi ma’lumotlariga ko‘ra 0,8 foizga o‘sadi, bu yanvar oyida prognoz qilingan 0,7 foiz o‘sishdan yaxshidir. Shu bilan birga, Buyuk Britaniya iqtisodiyoti 0,6 foiz o‘rniga 0,3 foizga qisqaradi.

XVJ, shuningdek, Rossiyaning iqtisodiy rivojlanishi haqidagi taxminlarni ham o‘zgartirdi. O‘tgan yili Rossiya yalpi ichki mahsuloti 2,1 foizga pasayganidan so‘ng, Rossiya iqtisodiyoti 2023 yilda yanvar oyidagi oldingi prognozdan 0,4 foizga ko‘p, 0,7 foizga o‘sishi kutilmoqda. Jamg‘arma ma’lumotlariga ko‘ra, 2024 yilda Rossiya iqtisodiyoti 1,3 foizga o‘sadi. Bu avvalgi prognozdan 0,8 foizga kam.