Ukraina: Rossiya Eron dronlarining yangi partiyasi bilan hujum qilmoqda
Eronning kamikadze uchuvchisiz uchoqlarining yangi partiyasini qabul qilib olgan Rossiya yaqindagi sukunatdan keyin Ukrainaga havo hujumlarini kuchaytirdi. Bu haqda Janubiy mudofaa kuchlarining birlashgan muvofiqlashtiruvchi matbuot markazi rahbari Natalya Gumenyuk milliy telemarafon efirida aytib o‘tdi.
Uning so‘zlariga ko‘ra, yangi belgilarga ega «Shahed-136» dronlaridan foydalanish Mikolayiv va Odessa viloyatlarida qayd etilgan.
Gumenyukning ta’kidlashicha, rossiyaliklar kamikadze dronlardan tinch aholi o‘rtasida keskinlikni saqlash, shuningdek, Ukraina havo hujumidan mudofaa tizimlari va muhim infratuzilma obektlarini izlab topish uchun foydalanmoqda.
2022 yil oktyabr oyi boshidan beri Rossiya harbiylari Ukrainaning asosiy energetika infratuzilmasi obektlariga 1200 dan ortiq raketa va uchuvchisiz uchoqlar uchirgandi. Bunday ma’lumotlar «UkrEnergo» tomonidan kompaniya Ukraina energetika tizimi tarixidagi eng qiyin deb atagan isitish mavsumi tugashi munosabati bilan taqdim etilgan.
«UkrEnergo» ma’lumotlariga ko‘ra, 250 dan ortiq raketalar va dronlar o‘z nishonlariga tegib, asosiy tarmoq obektlarining qariyb 43 foiziga zarar yetkazgan.
Mamlakatdagi barcha issiqlik va gidroelektr stansiyalari ma’lum darajada zarar ko‘rgan. Ayni paytda shikastlangan magistral tarmoqning qariyb 80 foizi allaqachon ishga tushirilgani xabar qilingan.
Mavzuga oid
07:50 / 20.09.2024
Malayziya O‘zbekistonda dronlardan foydalanish ko‘lamini kengaytiradi
10:50 / 14.09.2024
Reuters: Rossiya o‘z dronlari uchun Xitoy dvigatellaridan foydalanyapti
16:58 / 12.09.2024
Rossiyada 8-9-sinflar uchun dronlar bo‘yicha darslik chop etildi
16:32 / 10.09.2024