Rossiyaning uchta samolyoti Boltiq dengizi uzra tutib olindi
Rossiyaning Su-27 va Il-20 samolyotlari transponderlarsiz uchgan. Ularni nemis va ingliz qiruvchi samolyotlari tutib oldi.
Germaniya va Britaniya qiruvchi samolyotlari Boltiq dengizi ustidagi xalqaro havo hududida Rossiyaning uchta razvedkachi samolyotini tutib oldi. Eurofighter qiruvchi samolyotlari ikkita Su-27 va bitta Il-20 samolyotlarini tutib oldi, ular «yana transponderlarsiz uchgan», deb xabar berdi Germaniya harbiy-havo kuchlari 26 aprel, chorshanba kuni Twitter mikroblogida.
Boltiqbo‘yi mamlakatlari Estoniya, Latviya va Litva o‘zlarining jangovar samolyotlariga ega emas, shuning uchun 2004 yildan beri NATO kuchlari ular havo kengliklari xavfsizligini ta’minlab kelmoqda. Shu maqsadda alyans ittifoqchilari navbatma-navbat o‘z samolyotlari va xodimlarini Boltiqbo‘yi mamlakatlariga joylashtiradi.
Aprel oyi boshida, sakkiz oylik muddatdan so‘ng, bundesver NATOning Boltiq dengizi ustidagi havo xavfsizligi missiyasini Buyuk Britaniyaga topshirdi. Aprel oyining oxirigacha Germaniya Buyuk Britaniyani qo‘llab-quvvatlashda davom etadi va may oyi boshida nemis samolyotlarini Germaniyaga qaytarish boshlanadi.
Mavzuga oid
22:00 / 18.09.2024
Finlandiya va Estoniya Boltiq dengizida Rossiya flotini bloklash rejasini tayyorlamoqda
21:36 / 30.08.2024
Rossiyaga xorijliklarni biometrik ma’lumotlar asosida kiritish taklif etildi
20:36 / 30.08.2024
Mo‘g‘uliston Putinni hibsga olmaydi - Kreml
16:39 / 30.08.2024