Surxondaryodagi bozorda yong‘in sodir bo‘ldi
Sho‘rchi tumanidagi bozorda sodir bo‘lgan yong‘inda savdo do‘konining ikkinchi qavati va uning ichida bo‘lgan narsalar yonib ketgan.
Ma’lum qilinishicha, bugun, 31 may kuni soat 05:11 da Sho‘rchi tumani Bobotog‘ mahallasi Mustaqillik ko‘chasida joylashgan ikki qavatli aralash mollar savdo do‘konida yong‘in sodir bo‘lgan.
Oqibatda, savdo do‘konining 2-qavatida 85 metr kvadrat joyda binoning shift qismi va do‘kon ichidagi narsalar yongan. Yong‘in-qutqaruv ekipajlari voqea joyiga soat 05:14 da yetib borgan. Qariyb bir yarim soatdan so‘ng soat 06:40 da olov batamom o‘chirilgan.
Hodisada hech kim tan jarohati olmagan. Hozirda yong‘in kelib chiqish sabablari va moddiy zarar miqdori aniqlanmoqda.
Eslatib o‘tamiz, 2022 yil 19 oktyabr kuni Andijondagi Jahon bozorida yong‘in kelib chiqqan va oqibatda 56 ta savdo do‘koni yonib ketgandi.
Mavzuga oid
20:01 / 01.11.2024
O‘zbekiston Qahramoni Ahmad Narzullayev vafot etdi
17:49 / 31.10.2024
Toshkentdagi ko‘p qavatli uyda yong‘in chiqdi. Bir kishi halok bo‘lgan
21:01 / 29.10.2024
Samarqand shahrida sodir bo‘lgan yong‘inda yashash xonadoni yonib ketdi
14:23 / 29.10.2024