Deputatlar hokimliklarga nisbatan ishonchsizlik bildirish huquqiga ega bo‘lishi taklif etildi

“Adolat” sotsial demokratik partiyasidan prezidentlikka nomzod Robaxon Mahmudova mahalliy ijroiya hokimiyati organlari ustidan deputatlik nazoratini kuchaytirish orqali xalq deputatlari mahalliy Kengashlarining rolini oshirish taklifini ilgari surdi.

Ta’kidlanishicha, ushbu yo‘nalishda davlatda boshqaruv intizomini saqlab qolish maqsadida xalq deputatlari viloyat, tuman, shahar Kengashlari deputatlari hokimlarga nisbatan ishonchsizlik bildirish huquqiga ega bo‘lishi kerak.

“Biz mahalliy davlat hokimiyati organlari faoliyatini tartibga soluvchi qonunchilik hujjatlari to‘liq xatlovdan o‘tkazilib, takomillashtirilishini, mahalliy budjet mablag‘laridan samarali va oqilona foydalanishni ta’minlash uchun ushbu mablag‘lar hisobidan moliyalashtirilayotgan shtatlar sonini maqbullashtirish tashabbuslarini ilgari suramiz”, - dedi Robaxon Mahmudova.