Buxoroda brakoner ekologiya inspektoriga o‘q uzdi
Brakonerlardan 2 dona ov qurollari xolislar ishtirokida olib qo‘yildi.
Buxoro viloyati Qorovulbozor tumanida reyd tadbiri olib borayotgan tuman Ekologiya bo‘limi boshlig‘i, inspektor Mirali Hojiyev xizmat vaqtida yaralandi.
Ekologiya vazirligi xabariga ko‘ra, inspektor Qorovulbozor hududida noqonuniy ov qilinayotganidan xabar topgan. Holatga chek qo‘yish maqsadida voqea joyiga borganida esa brakoner tomonidan o‘q uzilishi natijasida qo‘lidan yaralangan. Brakoner voqea joyidan yashiringan.
Bosh prokuratura xabarida aytilishicha, tekshirish davomida ov qilish maqsadida kelgan va ushbu qilmishni sodir etgan shaxslar aniqlangan. Ulardan 2 dona ov qurollari xolislar ishtirokida olib qo‘yilgan.
Qorovulbozor tumani ekologiya boshlig‘i olgan tan jarohatlari yuzasidan sudga oid tibbiyot ekspertizasi tayinlangan.
Holat yuzasidan prokuratura tomonidan tergovga qadar tekshiruv harakatlari olib borilmoqda.
Mavzuga oid
22:32 / 19.09.2024
Chang bo‘ronlariga qarshi kurashish va oqibatlarini yumshatish bo‘yicha milliy dastur ishlab chiqildi
10:06 / 19.09.2024
“Omonqo‘ton” milliy tabiat bog‘idagi noqonuniy yo‘l: prokuratura jinoyat ishi qo‘zg‘atdi
21:39 / 17.09.2024
Olimlar Antarktida ustidagi ozon teshigining qisqarganini e’lon qildi
19:03 / 14.09.2024