O‘zbekistonda mehmonxonalarga halol sertifikatini berish boshlanishi mumkin
Madaniyat va turizm vazirligi va World Halal Trust Group o‘rtasida sertifikatlashtirish bo‘yicha memorandum imzolandi.
Madaniyat va turizm vazirligi qoshidagi «Turizm xizmatlarini sertifikatlash markazi» tomonidan World Halal Trust Group va «Halol MAIB Xalqaro sertifikatlashtirish markazi» bilan «Halol turizm» sohasida yaqin hamkorlikni rivojlantirish maqsadida memorandum imzolandi.
Unda ikki tomonlama hamkorlik va ikki tomonlama aloqalarni o‘zaro manfaatlilik, shuningdek, teng huquqlilik, o‘zaro ishonch, o‘zaro tushunish, O‘zbekistonda «Halol turizm»ni rivojlantirishda ma’naviy va tijoriy maqsadga muvofiqlik samaradorligi asosida mustahkamlash, qulay shart-sharoitlarni ta’minlash, davlatning iqtisodiy va madaniy rivojlanishida axloqiy me’yorlar va qoidalarning ahamiyati va muhimligini e’tiborga olish nazarda tutilgan.
Memorandumga binoan tomonlar «Halol turizm», shu jumladan turizm xizmatlarini «Halol» sertifikatlash masalalari bo‘yicha qo‘shma tadqiqotlarni rivojlantirish va bunday tadqiqotlarni xalqaro, milliy, mintaqaviy darajalarda o‘tkazish usullarini ishlab chiqishda ishtirok etishlari, kasbiy tayyorgarlik bo‘yicha qo‘shma dasturlarni tashkil etishlari, «Halol turizm xizmatlari» (OIC/SMIIC 9:2019) standarti talablariga muvofiqligiga mehmonxona xizmatlarini sertifikatlash bo‘yicha birgalikda ishlarni amalga oshirishi mumkin.
Mavzuga oid
20:50 / 17.09.2024
Rossiyalik bloger O‘zbekiston poyezdidagi sayohatni «haqiqiy sinov» deb ta’rifladi
17:32 / 30.08.2024
Taniqli aktyor O‘zbekistonning Yaponiyadagi turizm elchisi etib tayinlandi
19:57 / 28.08.2024
Toshkent dunyoda taksi narxi arzon bo‘lgan shaharlar qatoriga kiritildi
17:50 / 15.08.2024