Protezga ko‘nikayotgan ukrain askarlari va Xarkiv yaqinidagi vayronalar. Urush suratlari

Ukrainadagi urushning 578-kuni o‘tdi. Asosiy ma’lumotlar:

• Kurskka shahar kunida ukrain dronlari hujum qildi. Birinchi dron shahar markazidagi binoga borib urilgan — Ukrainadagi manbalarga ko‘ra, bu Rossiya FXXning region bo‘yicha boshqarmasi binosi hisoblanadi. Kursk oblasti rahbari binoda (u aynan qanday bino haqida gap ketayotganiga aniqlik kiritmagan) «tom biroz shikastlangan». Ukraina tomoniga ko‘ra, ikkinchi dron neftni qayta ishlash zavodiga zarba bergan. Region rasmiylari ikkinchi dron zarbasi to‘g‘risidagi xabar haqiqatga to‘g‘ri kelmasligini ma’lum qilgan.
• Florida gubernatori va AQSh prezidentliga respublikachilarning nomzodlaridan biri Ron Desantis Ukrainaning NATOga kirishi «bizning manfaatlarimizga mos emas» dedi. U AQSh agar «mojaroni to‘xtatish uchun barcha ta’sir richaglaridan foydalanmasa», Ukrainaga cheksiz yordam ko‘rsatmasligi kerakligini qo‘shimcha qilgan.
• «DNR»da komendantlik soati va internet hamda telefon muloqotlaridagi xatlar va xabarlarga harbiy senzura joriy etildi. Bu aynan qanday ishlashi FXXning hududiy boshqarmasi hamda anneksiya qilingan hududning aloqa va axborot vazirligi tomonidan belgilanishi kerak.
• RF TIV rahbari Sergey Lavrov Rossiya Ukrainaning 1991 yilgi Mustaqillik deklaratsiyasi bandlariga ko‘ra hududiy yaxlistligini «hurmat qilishi»ni bildirdi.

Xarkiv yaqinidagi Stariy Saltovdagi hayot

Stariy Saltov — Xarkiv oblastidagi posyolka bo‘lib, Rossiya bilan chegaradan taxminan 20 kilometr masofada joylashgan. Rossiya armiyasi uni 2022 yil martida egallab olgandi — ikki oy o‘tib bu yer Ukraina qurolli kuchlari nazoratiga qaytariladi. Okkupatsiya vaqtida va undan keyin davom etgan otishmalar oqibatida Stariy Saltovdagi binolarning 90 foizi vayron bo‘lgan — posyolkani faqat urush yakunlanganidan keyin qaytadan tiklash mumkin.

Baxmut yaqinidagi ukrain hospitali

Kiyevdagi ustaxonada Ukraina qurolli kuchlari uchun avtomobil yig‘ayotgan ko‘ngillilar

Lvivda ukrain askarlarining reabilitatsiya jarayoni

Superhumans — Ukrainadagi protezlash, rekonstruktiv jarrohlik, reabilitatsiya va urushda jarohatlangan odamlarni ruhiy qo‘llab-quvvatlash markazi. Markazdagi laboratoriyada protezlar tayyorlanadi va yig‘iladi, shuningdek, bu yerda reabilitatsiya basseyni va hatto protezlar muzeyi mavjud. Klinikadagi barcha xizmatlar yarador harbiylar uchun tekin.