Shavkat Mirziyoyevning Qirg‘izistonga amaliy tashrifi yakunlandi
O‘zbekiston prezidenti Toshkentga qaytdi.
Shavkat Mirziyoyevning Mustaqil Davlatlar Hamdo‘stligi sammitida ishtirok etish uchun Qirg‘izistonga amaliy tashrifi yakunlandi. Davlat rahbari Toshkentga qaytdi.
«Manas» xalqaro aeroportida davlat rahbarini Qirg‘iziston Vazirlar Mahkamasi raisi, prezident administratsiyasi rahbari Oqilbek Japarov va boshqa rasmiy shaxslar kuzatib qo‘ydi.
O‘zbekiston prezidenti tashrif davomida MDH Davlat rahbarlari kengashining navbatdagi majlisida ishtirok etdi hamda Hamdo‘stlik doirasidagi o‘zaro manfaatli hamkorlikni yanada kengaytirish bo‘yicha qator muhim tashabbuslarni ilgari surdi.
Do‘stlik, yaxshi qo‘shnichilik va ko‘p qirrali hamkorlik munosabatlarini mustahkamlashga qo‘shgan ulkan hissasi uchun O‘zbekiston yetakchisiga tashkilotning oliy mukofoti – MDH Faxriy nishoni topshirildi.
Sammit doirasida Shavkat Mirziyoyev Belarus prezidenti Aleksandr Lukashenko bilan uchrashuv o‘tkazdi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024