Eron Ronalduning jismoniy jazolanishi haqidagi xabarlarga izoh berdi
Eron elchixonasi Ronalduga 99 darra urilishi tahdid qilayotganini rad etdi.
Eronning Ispaniyadagi elchixonasi portugaliyalik hujumchi Krishtianu Ronaldu nogiron rassom Fotima Hamamiyni o‘pgani uchun jismonan jazolanishi haqidagi xabarlarga izoh berdi.
Eronliklar Ronaldu kelajakda mamlakatga qaytsa, jazolanishi mumkinligi haqidagi xabarni rad etishdi.
«Uning Fotima Hamamiy bilan samimiy va insoniy uchrashuvi xalq va mamlakat sport rahbariyati tomonidan yuqori baholandi va olqishga sazovor bo‘ldi», deyiladi xabarda.
11 oktyabr kuni Index HR nashri Ronaldu Eronda mahalliy qonunlarni buzgani va mamlakatga qaytsa, 99 darra urilishi mumkinligi haqida yozgan edi.
Saudiyaning «An-Nasr» klubida to‘p tepayotgan forvard Osiyo chempionlar ligasi doirasida mahalliy «Persepolis»ga (2:0) qarshi o‘yin uchun Tehronga bordi. Sayohat doirasida u muxlislari, jumladan Fotima ismli nogiron rassom bilan uchrashdi. Futbolchi u bilan muloqotda bo‘lib, yakunda uni quchoqlab o‘pgan edi.
Ronaldu 2022 yilning 30 dekabrida «An-Nasr» jamoasiga qo‘shildi. U Saudiya klubi safida jami 30 ta o‘yin o‘tkazib, 25 ta gol urgan va 8 ta golga assistentlik qilgan.
Mavzuga oid
22:15 / 21.09.2024
Eron oliy rahnamosi 40 nafar chet el fuqarosini afv etdi
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
13:29 / 17.09.2024
Ronaldu - «MYu»ni tark etishi, klub bilan hozirgi munosabatlari va o‘g‘lining futbolchi bo‘lish istagi haqida
11:10 / 17.09.2024