AQSh Iroqda «Hizbulloh» qo‘mondoni mashinasiga zarba berdi
Oqibatda to‘rt kishi, jumladan qo‘mondon va uning bir yordamchisi halok bo‘ldi.
AQSh Iroq poytaxti Bag‘dodga zarba berdi, oqibatda shia militsiyasi «Hizbulloh an-Nujaba» qo‘mondonlaridan biri o‘ldirildi. Bu haqda Reuters amerikalik amaldorga tayanib yozdi.
Iroq politsiyasining ma’lum qilishicha, dron «Hizbulloh an-Nujaba» harakati vakillari foydalanadigan obektga kamida ikkita raketa zarbasini bergan. To‘rt kishi, jumladan qo‘mondon va uning bir yordamchisi halok bo‘lgan.
Reuters manbasiga ko‘ra, AQSh harbiylarining nishoni aynan qo‘mondon bo‘lgan. Zarba uni yo‘q qilish maqsadida berilgan. Avvalroq u AQSh harbiylariga hujum uyushtirganlikda ayblangan edi.
Iroq xavfsizlik xizmati vakiliga ko‘ra, zarbani kim bergani haqida hech qanday ma’lumot yo‘q.
26 dekabr kuni AQSh harbiylari Iroqdagi «Kataib Hizbulloh» jangarilari obektlariga zarba bergan edi. Bu Iroqning Erbil shahridagi AQSh harbiy bazasiga berilgan zarbadan keyin yuz berdi.
Mavzuga oid
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
17:10 / 21.09.2024
AQShda “politsiyachi” robot jinoyatchini tutib berdi
16:27 / 21.09.2024