Buyuk Britaniya qiroli Charlz III muvaffaqiyatli operatsiya qilindi
75 yoshli monarx o‘zini yaxshi his qilmoqda.
Buyuk Britaniya qiroli Charlz III prostata bezi kattalashgani tashxisi qo‘yilganidan so‘ng operatsiyani muvaffaqiyatli o‘tkazdi. Bu haqda The Sun xabar berdi.
Nashrning yozishicha, operatsiyadan keyin 75 yoshli monarx o‘zini yaxshi his qilmoqda. Bir kun avval qirolicha Kamilla operatsiya o‘tkazilayotgan xususiy shifoxonadan chiqib, jurnalistlarga qirolning ahvoli yaxshi ekanini aytgan edi.
17 yanvar kuni Bukinghem saroyi Charlz III prostata bezi kattalashgani tufayli davolanish uchun shifoxonaga yotqizilishini e’lon qildi, bu esa uning ommaviy tadbirlari qoldirilishiga sabab bo‘ldi. Saroy rasmiylari, shuningdek, u qirollik vazifalaridan vaqtincha voz kechishini aytishdi.
Prostata bezining kattalashishi 50 yoshdan oshgan erkaklarda keng tarqalgan. Odatda bu jiddiy emas va bemorda prostata saratoni rivojlanish xavfi yuqori ekanini anglatmaydi.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024