Buyuk Britaniya qiroli Charlz III saraton kasalligiga chalingani aniqlandi
Monarx davolanishni boshlab yuborgan va jamoatchilik vakillari bilan bo‘ladigan barcha uchrashuvlarni bekor qilgan.
Bakinghem saroyi xabariga ko‘ra, Buyuk Britaniya qiroli Charlz III saraton kasalligiga chalingani aniqlandi. Bu haqda Sky News yozdi.
Qayd qilinishicha, 75 yoshli monarx 5 fevral kuni davolanishni boshlagan.
Avvalroq, Charlz III prostata bezi bilan bog‘liq tibbiy muolajadan o‘tgan edi. Xabarga ko‘ra, aynan shu vaqtda unda saraton kasalligi borligi aniqlangan va bu prostata bilan bog‘liq emas.
Qirol saraton kasalligidan davolanishni 5 fevralda boshlagan. Ta’kidlanishicha, u shifoxonaga yotqizilmaydi, balki ambulator sharoitda davolanadi. Shifokorlar tavsiyasiga ko‘ra, davolanish vaqtida jamoatchilik vakillari bilan bo‘ladigan barcha uchrashuvlarni bekor qiladi. Biroq, hukumat hujjatlari bilan ishlashda davom etadi.
Charlz III shifokorlarga o‘z vaqtida tashxis qo‘ygani uchun minnatdorchilik bildirdi va optimist ekanini, imkon qadar tezroq tuzalib, xizmatga qaytishga umid qilishini aytdi.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024