Qoʻshimcha funksionallar
-
Tungi ko‘rinish
AQSh razvedkachisi Xitoyga maxfiy ma’lumotlarni sotgani uchun hibsga olindi
Tergov ma’lumotlariga ko‘ra, serjant Shuls ma’lumotlarni uzatgani uchun taxminan 42 ming dollar olgan.
AQSh razvedka xizmati tahlilchisi serjant Korbeyn Shuls Pentagonning maxfiy hujjatlarini Xitoyga sotganlikda ayblanib hibsga olindi, deb xabar berdi CBS News.
Sotilgan materiallar, jumladan, AQSh tomonidan Tayvan mudofaasi uchun taqdim etilgan qurollar va raketalarga qarshi mudofaa tizimlari haqidagi ma’lumotlarni o‘z ichiga oladi. Prokuratura ma’lumotlariga ko‘ra, Shuls ism-sharifi ko‘rsatilmagan hujjatlarni sotib oluvchi shaxs bilan bir yildan ortiq hamkorlik qilgan.
Tergov ma’lumotlariga ko‘ra, Korbeyn Shuls 24 yoshda va Texasda tug‘ilgan. 2018 yil noyabr oyida u AQSh 506-piyoda polkida xizmatga kirgan. Tergov ma’lumotlariga ko‘ra, serjant ma’lumotlarni uzatgani uchun taxminan 42 ming dollar olgan. Korbeyn Shuls ishi oltita jinoiy bandni, jumladan, fitna va poraxo‘rlikni o‘z ichiga oladi.
CBS News ta’kidlashicha, ayblov xulosasida Xitoy hukumati ma’lumot oluvchi yoki mijoz sifatida tilga olinmagan.
Prokuratura ma’lumotlariga ko‘ra, Korbeyn Shuls birinchi marta 2022 yil iyun oyida buyurtmachi bilan aloqa o‘rnatgan. Ular shifrlangan xabar almashish ilovalari yordamida muloqot qilgan.
Mavzuga oid
19:32
Tramp O‘zbekiston bilan munosabatlarni qanday olib boradi?
18:18
Imzo chekishni bilmagani uchun minglab yosh amerikaliklarning saylov byulleteni bekor qilindi
17:32
Xitoyda yangi oila qurish holatlari rekord darajada kamayib ketdi
13:33