Devid Kemeron O‘zbekistonga keldi
Britaniya tashqi ishlar vaziri Devid Kemeron Toshkentga tashrif buyurdi.
Britaniya tashqi ishlar vaziri Devid Kemeron Toshkentga keldi. Bu haqda O‘zA xabar bermoqda.
Ayni paytda O‘zbekiston Tashqi ishlar vazirligida yuqori martabali mehmonning mamlakat tashqi siyosat idorasi rahbari Baxtiyor Saidov bilan muzokarasi boshlandi.
Uchrashuvda mintaqaviy xavfsizlik, ta’lim, iqlim o‘zgarishi, ikki tomonlama savdo hamda biznes aloqalarini rivojlantirish masalalari muhokama etilmoqda.
Avvalroq Britaniya tashqi ishlar vaziri Devid Kemeron Tojikiston, Qirg‘iziston, O‘zbekiston, Turkmaniston, Qozog‘iston va Mo‘g‘ulistonga safar qilishi, tashriflarda Britaniya bilan savdo, xavfsizlik va atrof-muhit bo‘yicha aloqalarni kengaytirish maqsadida muzokaralar o‘tkazilishi xabar berilgandi.
The Independent xabariga ko‘ra, Kemeron Markaziy Osiyo «Britaniya duch kelayotgan eng katta muammolarning markazida» ekanligidan ogohlantirib, uning «qiyinchilik bilan erishilgan suverenitetni» qo‘llab-quvvatlashga qaratilgan qator chora-tadbirlarni e’lon qiladi.
Dushanba kuni Devid Kemeron Dushanbedagi Millat saroyida Tojikiston prezidenti Imomali Rahmon bilan uchrashdi.
Mavzuga oid
10:30 / 20.09.2024
O‘zbekiston va Britaniya bo‘lajak diplomatlarni tayyorlash sohasida hamkorlik qilishi mumkin
22:48 / 18.09.2024
Britaniyada kapalaklar kamayib ketayotgani tufayli «favqulodda holat» e’lon qilindi
13:12 / 18.09.2024
Buyuk Britaniyada qirollik fermasi uchun cho‘pon qidirilmoqda
13:20 / 16.09.2024