«Gazprom» O‘zbekistonda vakolatxona ochishi mumkin
Hozirgi vaqtda «Gazprom» Markaziy Osiyo mintaqasi davlatlaridan Turkmaniston va Qozog‘istonda vakolatxonaga ega.
Rossiyaning «Gazprom» kompaniyasi direktorlar kengashi O‘zbekistonda vakolatxona ochish masalasini ko‘rib chiqadi. Mazkur masala 6 may kuni kengashda ovozga qo‘yiladi, deb xabar berdi Interfax.
Hozirgi vaqtda «Gazprom» Markaziy Osiyo mintaqasi davlatlaridan Turkmaniston va Qozog‘istonda vakolatxonaga ega.
2023 yil oktyabr oyidan O‘zbekistonga Rossiya gazini yetkazib berish uchun «Markaziy Osiyo – Markaz» gaz tashish tizimi teskari (revers) rejimga o‘tkazildi.
«UzGasTrade» AJ va «Gazprom Eksport» MChJ o‘rtasidagi ikki yillik kelishuvga ko‘ra, kuniga 9 million kub.m., yiliga qariyb 2,8 milliard kub.m. tabiiy gaz eksport hajmi ko‘zda tutilgan.
2024 yil yozida Qozog‘iston, shuningdek, O‘zbekiston va Qirg‘iziston bilan o‘rta muddatli 15 yillik gaz yetkazib berish bo‘yicha shartnomalar imzolanishi rejalashtirilgan. Ularni amalga oshirish 2025 yil kuzida boshlanishi kerak.
Filiallarning so‘nggi e’lon qilingan ro‘yxatiga ko‘ra (2021 yilgi) «Gazprom» O‘zbekistonda ikkita kompaniyasiga ega: «Operatsionnaya Kompaniya Zarubejneftegaz - Tsentralnaya Aziya» va «Operatsionnaya Kompaniya Zarubejneftegaz GPD Tsentralnaya Aziya».
Mavzuga oid
21:36 / 30.08.2024
Rossiyaga xorijliklarni biometrik ma’lumotlar asosida kiritish taklif etildi
20:36 / 30.08.2024
Mo‘g‘uliston Putinni hibsga olmaydi - Kreml
16:39 / 30.08.2024
Rossiyada operatorlardan YouTube'ni «tezlashtirishni» to‘xtatish talab qilindi
12:50 / 30.08.2024