Qoʻshimcha funksionallar
-
Tungi ko‘rinish
Britaniya mingdan ziyod turistni O‘zbekistonga yuborishni rejalashtirmoqda
O‘zbekiston elchisi Ravshan Usmonov Britaniyaning yetakchi sayyohlik kompaniyasi Explore Worldwide direktori Saymon Grouv bilan uchrashuv o‘tkazdi.
Foto: "Dunyo" AA
"Dunyo" xabariga ko‘ra, muloqot chog‘ida Britaniyadan sayyohlarni O‘zbekistonga keng jalb etish va 2024 yilda ular uchun mamlakatni jozibador yo‘nalish sifatida tanishtirish masalalari muhokama qilindi.
Xorij tomoniga mamlakat tarixiy shaharlarining turizm salohiyati, so‘nggi yillarda barpo etilgan jahon standartlari asosidagi mehmonxonalar, ichki transport infratuzilmasi, ovqatlanish maskanlari hamda xorijiy sayyohlarga yaratilgan qulayliklar haqida batafsil ma’lumot berildi.
Shuningdek, Qoraqalpog‘iston Respublikasi, Jizzax, Xorazm, Surxondaryo va Qashqadaryo viloyatlarining islomiy me’morchilik, buddizm, etno va tog‘ turizmi salohiyatiga bag‘ishlangan videomateriallar namoyish qilindi.
Muzokaralar natijasida, Explore Worldwide bilan hamkorlikda Britaniyada O‘zbekiston turizm salohiyatini keng targ‘ib qilish, vebinarlar o‘tkazish, shuningdek, joriy yil davomida 1000 dan ziyod sayyohlarni mamlakatga yuborish bo‘yicha kelishuvga erishildi.
Mavzuga oid
13:39
O‘zbekiston, Qirg‘iziston va Qozog‘istonda qo‘shma turistik yo‘nalish yaratilishi mumkin
08:39
Britaniyaning yetakchi universiteti O‘zbekiston OTM bilan qo‘shma ta’lim dasturlarini amalga oshiradi
13:07 / 09.11.2024
Qozog‘iston Britaniya sanksiyalariga duchor bo‘lgan kompaniyalari haqida izoh berdi
17:59 / 08.11.2024