O‘zganing bank mobil ilovasiga ulanib, pullarni yechib olgan shaxs ushlandi
Gumonlanuvchi jabrlanuvchiga soxta havola yuborish orqali shaxsiy ma’lumotlarini qo‘lga kiritib, uning bank mobil ilovasiga ikkinchi foydalanuvchi sifatida ulanib olgan.
Farg‘ona viloyatida yashovchi (ayol) U.M. ichki ishlar organlariga ariza bilan murojaat qilib, noma’lum sabablarga ko‘ra uning 10 mln so‘mga yaqin pul mablag‘lari yechib olinganligini va aybdor shaxsga qonuniy chora ko‘rishlikni so‘ragan.
Kiberxavfsizlik markazi xabariga ko‘ra, o‘tkazilgan tezkor-qidiruv tadbirlari natijasida, mazkur jinoyatni Qashqadaryo viloyatida yashovchi T.A. sodir etganligi aniqlandi.
Unga ko‘ra, gumonlanuvchi T.A. jabrlanuvchi U.M.ga soxta havola yuborish orqali shaxsiy ma’lumotlarini qo‘lga kiritib, uning bank mobil ilovasiga ikkinchi foydalanuvchi sifatida ulanib olgan. Uning 10 mln so‘mga yaqin pullarini o‘zining foydalanuvida bo‘lgan bank plastik kartasiga o‘tkazib olgan va o‘z ehtiyojlariga sarflab yuborganligi ma’lum bo‘ldi.
Mazkur holat yuzasidan T.A.ga nisbatan JKning 169-moddasi (o‘g‘rilik) 3-qismi “a,b” bandi bilan jinoyat ishi qo‘zg‘atilgan.
Mavzuga oid
08:50 / 20.09.2024
Soliq qo‘mitasi ikki bankni javobgarlik choralari to‘g‘risida ogohlantirdi
08:40 / 19.09.2024
Uchta bankning 148 xodimi tadbirkorlik bilan shug‘ullangani aniqlandi
17:46 / 12.09.2024
Ipotekabankning xususiylashtirilishi: davlat bloklovchi ulushidan voz kechgan
20:42 / 10.09.2024