Kuvayt Toshkent viloyatida onkologik kasalliklarni erta aniqlash markazini qurmoqchi
Toshkent viloyatida onkologik kasalliklarni erta aniqlash bilan bog‘liq diagnostika markazini qurish, shuningdek, bu sohada malakali kadrlarni tayyorlash uchun tibbiyot muassasasini barpo etish mo‘ljallangan.
O‘zbekiston elchixonasi ko‘magida Kuvaytning Gulf General Trading Co. Ltd. kompaniyasi ishchi guruhining Toshkent viloyatiga biznes-missiyasi tashkil etildi.
"Dunyo" xabariga ko‘ra, tashrif chog‘ida Kuvayt kompaniyasi delegatsiyasi Toshkent viloyati hokimi Zoir Mirzayev bilan muzokara o‘tkazdi. Unda hamkorlik istiqbollari muhokama qilindi.
Toshkent viloyatida xorijiy investorlarga uchun yaratilgan sharoitlar, taklif etilayotgan loyihalar va boshqalar haqidagi batafsil ma’lumotlar Kuvayt tomoniga yetkazildi.
Uchrashuvda Toshkent viloyatida onkologik kasalliklarni erta aniqlash bilan bog‘liq diagnostika markazini qurish, shuningdek, bu sohada malakali kadrlarni tayyorlash uchun tibbiyot muassasasini barpo etish, uy-joy, savdo, xizmat ko‘rsatish obektlarini qurish loyihalarini amalga oshirish xususida fikr almashildi.
Muzokaralar yakunida o‘zaro hamkorlikning aniq yo‘nalishlari va unga investitsiyalar kiritish bo‘yicha dastlabki kelishuvlarga erishildi.
Mavzuga oid
13:14 / 12.09.2024
Toshkent viloyatidan yana 14 ta mahalla qisman Yangi Toshkent hududiga o‘tkazilmoqda
11:45 / 12.09.2024
Alimentda rekord: ayol 3 nafar farzandi ta’minoti uchun sobiq eriga 1,7 mlrd so‘m to‘ladi
15:48 / 10.09.2024
Toshkent viloyatidagi bo‘yoq zavodida yong‘in chiqdi
10:36 / 06.09.2024