AQSh Ukrainaga 1,7 milliard dollarlik ikkita qurol paketini ajratdi
Harbiy yordam doirasida Qo‘shma Shtatlar havo hujumidan mudofaa tizimlari uchun o‘q-dorilar va boshqa qurollarni yetkazadi.
AQSh Mudofaa vazirligi Ukrainaga 1,5 milliard dollar va 200 million dollar miqdorida ikkita yangi harbiy yordam paketi ajratilishini e’lon qildi.
«AQSh Mudofaa vazirligi Ukraina xavfsizligiga ko‘maklashish tashabbusi (USAI) jamg‘armalaridan 1,5 milliard dollarlik yirik yordam paketini e’lon qiladi», deyiladi Pentagon xabarida.
200 million dollarlik ikkinchi yordam paketi Kiyevga AQSh prezidenti farmoni bilan mablag‘ ajratish imkonini beruvchi Prezidentlik vakolati mexanizmidan foydalangan holda yuboriladi.
Harbiy yordam doirasida Qo‘shma Shtatlar havo hujumidan mudofaa tizimlari uchun o‘q-dorilar, HIMARS uchun snaryadlar, RIM-7 raketalari, shuningdek, Javelin uchun minomyot va o‘q-dorilar bilan ta’minlaydi. Bundan tashqari, yordam paketlari xavfsiz aloqa tizimlari va sun’iy yo‘ldosh tasvirlari xizmatlarini o‘z ichiga oladi.
Mavzuga oid
15:24
Ukrain dronlari Rossiyaning yana ikkita qurol arsenaliga zarba berdi
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:45 / 21.09.2024
Zelenskiy Rossiya bilan muzokara uchun «uchta band» tayyorlayotganini ma’lum qildi
20:40 / 21.09.2024