Oltin narxi yana rekord o‘rnatdi
2024 yil boshidan beri oltinning birja qiymati 20 foizdan ko‘proqqa oshdi.
Nyu-York Comex birjasi ma’lumotlariga ko‘ra, oltin narxi 12 sentabr kungi savdolar chog‘ida o‘zining tarixiy rekordini yangiladi va troya unsiyasi uchun 2,58 ming dollardan oshdi.
Toshkent vaqti bilan soat 22:45 holatiga ko‘ra, birjadagi dekabr oltin fyucherslari narxi 2580 dollarga yetdi.
Oltinning birja narxi oxirgi marta 20 avgust kuni o‘z rekordini yangilagan bo‘lib, unsiya uchun 2563,9 dollarga (+0,89%) ko‘tarilgan edi.
2024 yil boshidan beri oltinning birja qiymati 20 foizdan ko‘proqqa oshdi. Bloomberg qimmatli metall narxining oshishini AQSh Federal zaxirasi tomonidan stavkaning pasaytirilishi kutilayotgani va inflatsiyaning o‘sishi bilan bog‘lamoqda.
Avvalroq, O‘zbekistonning oltin-valuta zaxiralari 1,75 mlrd dollarga oshib, 1 sentabr holatiga 39,15 mlrd dollarga yetgan edi. Bu oshish asosan oltin hisobiga ro‘y berdi.
Mavzuga oid
09:00 / 18.09.2024
Tovar-xomashyo birjalari uchun yangi talablar belgilandi
20:11 / 25.07.2024
Sud “Navoiyazot”ning Raqobat qo‘mitasiga qarshi shikoyatini rad etdi
19:37 / 17.07.2024
Oltinning birjadagi narxi oshib, rekord darajaga yetdi
18:09 / 04.07.2024