Telegram’dan soxta havola jo‘natib o‘zganing pullarini o‘zlashtirgan shaxs ushlandi
Holat yuzasidan jinoyat ishi qo‘zg‘atilgan. Hozirda tergov harakatlari olib borilmoqda.
Qoraqalpog‘istonda Telegram’ga soxta havola joylab, shu orqali o‘zganing pullarini o‘zlashtirgan shaxs ushlandi. Bu haqda IIV Kiberxavfsizlik markazi xabar bermoqda.
Buxoro viloyatida yashovchi Yo.M. IIBga murojaat qilib, bank kartasidan 16 mln 410 ming so‘m noma’lum shaxs tomonidan o‘zlashtirilganini ma’lum qilgan.
Tezkor-qidiruv xizmati Kiberxavfsizlik bo‘linmalari xodimlari tomonidan o‘tkazilgan tezkor-qidiruv tadbirlari natijasida, mazkur jinoyatni Qoraqalpog‘istonda yashovchi A.J. sodir etganligi aniqlangan.
Unga ko‘ra, A.J. internet foydalanuvchilariga Telegram orqali soxta havola jo‘natib kelgan. Bunga ishongan Yo.M.ning bank karta ma’lumotlarini qo‘lga kiritib, ikkinchi foydalanuvchi sifatida ulanib olgan va uning hisobidagi 16 mln 410 ming so‘mni o‘zining bank kartasiga o‘tkazib olib, o‘z ehtiyojlari uchun sarflab yuborgan.
Qayd etilishicha, mazkur holat yuzasidan A.J.ga nisbatan Jinoyat kodeksining 168-moddasi 3-qismi bilan jinoyat ishi qo‘zg‘atilgan.
Mavzuga oid
20:17
Telegram turli mamlakatlarning huquq-tartibot idoralari bilan hamkorlik qila boshladi
17:33 / 19.09.2024
Qoraqalpog‘istonlik yoshlar uchun 10 mingta qo‘shimcha kvota tasdiqlandi – shartlar qanday?
23:29 / 18.09.2024
Durov farzandlarining onasi Telegram aktivlariga da’vo qilmoqda
11:14 / 07.09.2024