Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
Rossiya FXX rahbarining ta’kidlashicha, afg‘on rasmiylarining harakatlari mamlakatda «tartib va barqarorlik» o‘rnatishga yordam bermoqda.
Rossiya Federal xavfsizlik xizmati (FXX) direktori Aleksandr Bortnikov MDH mamlakatlari xavfsizlik idoralari va maxsus xizmatlari rahbarlari kengashining yig‘ilishida Rossiyada «Tolibon» harakatini ushbu ro‘yxatdan chiqarib tashlash bo‘yicha ishlar yakunlanayotganini ma’lum qildi. Bu haqda «Interfaks» xabar berdi.
Bortnikovga ko‘ra, afg‘on rasmiylarining harakatlari mamlakatda «tartib va barqarorlik» o‘rnatishga yordam bermoqda. «Biz razvedka idoralari o‘rtasida pragmatik hamkorlikni yo‘lga qo‘yish o‘zaro manfaatli bo‘lishiga ishonamiz. Bu, ayniqsa, xalqaro terrorchilik tashkilotlari, giyohvand moddalar va qurol kontrabandasiga qarshi kurash kontekstida dolzarbdir», deb qo‘shimcha qildi FXX direktori.
Bortnikov «Tolibon» taqiqlangan «Xuroson Viloyati» terrorchilik tashkilotiga ham qarshi turishga tayyorligini ta’kidladi. Bu tuzilma Afg‘onistondagi eng xavfli IShID bo‘linmalaridan biridir.
28 may kuni Rossiya prezidenti Vladimir Putin «Tolibon» harakati Afg‘onistondagi qonuniy hukumat, shuning uchun hozirgi voqelikdan kelib chiqib, ular bilan munosabatlarni yo‘lga qo‘yish zarurligini aytdi.
Rossiyada «Tolibon» 2003 yilda terrorchi tashkilot deb tan olingan.
Mavzuga oid
18:42 / 04.10.2024
Rossiyada o‘zbek diasporasi yetakchisi noqonuniy migratsiyani tashkil etishda gumon qilinmoqda
09:00 / 04.10.2024
«Gazprom» Rossiyada eng zarar ko‘rgan kompaniyalar ro‘yxatini boshqaryapti
23:19 / 03.10.2024
NATO a’zolari Rossiyaga zarba berish taqiqini olib tashlashni muhokama qiladi
21:27 / 03.10.2024