Isroil armiyasining G‘azodagi yo‘qotishlari 781 kishiga yetdi

Falastin eksklavining shimolida yana bir isroillik askar halok bo‘ldi.

Foto: EPA

7 oktyabr kuni G‘azo sektoriga agressiya boshlanganidan beri Isroil armiyasining yo‘qotishlari 781 kishiga yetdi. Bu haqda armiya matbuot xizmati bayonotida aytiladi.

Avvalroq Falastin eksklavining shimoliy qismida granata portlashi oqibatida yana bir isroillik askar halok bo‘lgan edi.

Voqea yuzasidan tergov harakatlari olib borilmoqda.

G‘azo sektorida quruqlikdagi operatsiya davomida o‘lganlarning umumiy sonidan Isroil qo‘shinlari 369 kishini yo‘qotdi.

Isroil armiyasi qurbonlar va yaradorlarning haqiqiy sonini yashirgani uchun tanqid qilinyapti.

Isroilning G‘azo sektoridagi tajovuzi oqibatida 2023 yil 7 oktyabrdan beri 43 314 nafar falastinlik, jumladan 17 210 nafar bolalar va 11 742 nafar ayollar halok bo‘ldi. Yana 102 019 falastinlik yaralangan.

#Isroil #G‘azo

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.