Йигит ўз севгилисига бир ярим мингта шиша идиш ёрдамида оила қуриш таклифини билдирди

Хитойнинг Шаньси вилоятида истиқомат қилувчи йигит ўз севгилисига турмуш қуриш таклифини ноодатий тарзда билдирди. У кўплаб бўш бутилкалардан катта юрак шаклини яратди. Бу ҳақда UPI агентлиги хабар бермоқда.

Эркак бунинг учун 1,5 минг бўш бутилкалардан фойдаланди. У ўз танишлари ёрдамида уларни асфальт бўйлаб юрак шаклида жойлаб чиққан. Newsflare сервиси томонидан чоп этилган видеода бундай ғайритабиий ҳолат кўплаб “текин томоша” мухлисларини йиққани тасвирланган.

Юрак тайёр бўлгач, йигит ўз севгилисини чақириб, унга оила қуриш таклифини билдирди. Қиз рози эканини маълум қилган. Шундан сўнг, томошабинлар бир-бирларини итариб, асфальтдаги бутилкаларни олишга киришиб кетишди.