Samsung Galaxy Note 8 смартфонига оид маълумотлар пайдо бўлди
Тармоқда 2017 йилнинг куз мавсумида тақдим этиладиган Samsung Galaxy Note 8 смартфонининг хусусиятларига оид маълумотлар пайдо бўлди. Playfuldroir портали қурилманинг схемали тасвирини чоп этди.
Смартфон ҳошиясиз 6,4 дюйм 4К-дисплейга эга бўлади. Экран томонлари нисбати Galaxy S8'никига ўхшайди, яъни - 18,5Х9. Унда ҳам Galaxy S8 қурилмасига ўхшаб Home тугмаси бўлмайди, шу боис бармоқ излари сканери қурилманинг орқа томонига кўчирилиши мумкин.
Қурилманинг пастки қисмида USB Type-C, mini-jack қулоқчинлари уланадиган жой, шунингдек S-Pen стилуси учун слот жойлашган. Тепа қисмида SIM-карта ва эҳтимол, хотира картаси учун слот ҳамда иккинчи динамик жойлашади.
Бундан ташқари, қурилма Samsung компанияси 21 мартда намойиш қилган Bixby овозли ассистентига эга бўлади. Ишлаб чиқарувчи бу ассистент бозордаги муқобилларнинг орасида энг ақллиси экани ва бошқа компаниялар қарорларидан ажралиб туришини таъкидламоқда.
Мавзуга оид
12:24 / 06.09.2024
Смартфонлар мия саратонига сабаб бўлиши ҳақидаги фикрлар асоссиз деб топилди
15:18 / 22.04.2024
Прокуратура ва қатор давлат идоралари қимматбаҳо смартфонлар сотиб олмоқда
15:32 / 13.04.2024
Нархи 600-800 доллар оралиғидаги энг кўп сотилган 20 та смартфон номи эълон қилинди
18:51 / 13.03.2024