Kia янги ихчам кроссоверининг дизайнини намойиш қилди
Жанубий Кореянинг Kia автомобилсозлик компанияси янги ихчам кроссовери — Stonic тизерларини намойиш қилди. Ғарбий Европа бозори учун мўлжалланган модель 2017 йил иккинчи ярмида бозорга чиқарилади.
Kia компаниясида изоҳ беришларича, янги машина номи иккита сўздан: Speedy («тез») ва Tonic («тоника» — мусиқада асосий товуш) сўзларидан ташкил топган. У кроссовернинг динамиклик хусусиятини қайд этади ҳамда «B-SUV оиласига қандайдир янгича ҳаво олиб киради».
Норасмий маълумотларга кўра, моделга 2017 йил 13 июнь куни тақдимоти кутилаётган Hyundai Kona асос бўлган. Эҳтимол, иккала кроссовер ҳам 1,4-1,6 л бензинли мотор ва 1,6 л дизель мотор билан таклиф қилинса керак. Ҳозирча, моделлар қаторида барча ғилдираклари етакчи автомобиллар пайдо бўладими-йўқми, номаълум.
Эълон қилинган суратларга кўра, унда моделнинг серияолди намунаси акс этган.
Ҳозирча, Kia Stonic қачон расман тақдим этилиши ҳам маълум эмас.
Мавзуга оид
19:00 / 27.07.2024
Ўзбекистонда янгиланган Kia К5 бизнес-седанининг сотувлари бошланди
13:00 / 10.07.2024
ADM Jizzakh заводининг конвейеридан мингинчи Kia Sonet автомобили чиқарилди
17:00 / 03.07.2024
Kia автомобилларига хизмат кўрсатувчи дилерлар Конференцияси ўтказилди
17:00 / 30.05.2024