Эронда махсус амалиёт натижасида террорчилар гуруҳи қўлга олинди
Эрон полицияси бошлиғи Ҳусайн Ашторийнинг хабар беришича, Теҳрон яқинида бугун ўтказилган махсус амалиёт натижасида террорчилар гуруҳи аниқланди. Бу ҳақда IRNA агентлиги маълум қилган. Унинг таъкидлашича, амалиёт полиция ва ислом инқилоби қўриқчилари корпуси кучлари билан биргаликда ўтказилди. Шунингдек, «Басиж» халқ милицияси вакиллари ҳам қатнашди.
Агентлик маълумотларига кўра, етти киши қўлга олинган. Амалиёт Теҳронга қўшни бўлган Алборз вилоятининг Фордис туманида ўтказилди.
Эслатиб ўтамиз, Теҳронда деярли бир вақтнинг ўзида иккита террорчилик хуружи юз берди. Тўрт киши Эрон парламенти биносида ўт очишган бўлса, кейин Ислом Республикаси асосчисининг мақбарасига ҳужум уюштирилди. Терактлар учун масъулиятни ИШИД ўз зиммасига олди.
Мавзуга оид
16:57
Эронда кўмир конида портлаш рўй берди. Ўнлаб кишилар ҳалок бўлган
22:15 / 21.09.2024
Эрон олий раҳнамоси 40 нафар чет эл фуқаросини афв этди
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
11:10 / 17.09.2024