Toyota ногиронлар учун ихчам прототип яратди
Toyota компанияси "чайка қанотлари" шаклидаги эшиклар билан жиҳозланган Concept-i Ride концепт-карининг илк суратларини намойиш этди. Моделнинг ўзига хос жиҳати - йўловчи креслосининг ҳаракатланишида, мазкур кресло ҳисобига имкониятлари чекланган одамларнинг салонга кириши осонлашади.
Янги прототипнинг габарит узунлиги - 2500 миллиметр, кенглиги - 1300 миллиметр, баландлиги - 1500 миллиметрни ташкил қилади. Концепт-кар салонида икки кресло ўрнатилган бўлиб, унда ногиронлар аравачасини сақлайдиган махсус жой ҳам бор. Concept-i Ride электр қуввати билан жиҳозланган, у бир марталик зарядда 150 километргача масофани босиб ўта олади.
Модель шунингдек кузовнинг олд ва орқа қисмларида ташқи LED-панеллар билан таъминланган.
Концепт-кар жойстик билан бошқарилади. Унинг ёрдамида ҳайдовчи автомобиль йўналишини ўзгартириши ҳамда унинг тезлигини бошқариши мумкин.
Таъкидлаш жоизки, Toyota 2015 йилда имконияти чекланган кишилар учун Sienta компактвэнининг махсус версиясини тақдим этганди. У ҳаракатланувчи пандус билан жиҳозланган эди.
Мавзуга оид
15:53 / 01.03.2024
Бир йилда 10 миллион автомобил сотиб рекорд ўрнатган компания – Toyota музейига саёҳат
21:25 / 25.02.2024
Болалик орзусидан жаҳон саҳнасигача. Toyota тарихи ҳақида
12:00 / 13.08.2023
Тошкентда Toyota Tashkent City дилерлик маркази очилди
07:35 / 27.07.2023