Polaroid смартфонни фотопринтерга айлантирувчи қурилма яратди
Motorola Moto Z смартфонларининг орқа панелига ўрнатилувчи ва уларнинг функционаллигини оширувчи Moto Mods қурилмалари қатори антиқа қурилма – Insta-Share мини-принтери билан тўлдирилди. Қурилма смартфондаги тасвирни босмага чиқаришга имкон беради.
Бу мини-принтер Polaroid билан ҳамкорликда яратилган бўлиб, унга АҚШда буюртмалар олиш бошланди. Бошқа Moto Mods қурилмалари каби ушбу гаджет ҳам смартфоннинг орқа панелига магнит ёрдамида қотирилади.
Polaroid Insta-Share Printer қурилмаси биринчи марта 2017 йил январда CES кўргазмасида намойиш қилинган.
Қурилма сиёҳларсиз босиш технологияси ZINK’ни қўллайди. Бу технология Polaroid томонидан 1990-йилларда яратилган, 2005 йилда эса ZINK алоҳида компания сифатида фаолият юрита бошлаган. У ZINK-принтерлар учун зарур бўлган термоқоғозни ишлаб чиқаради ва ZINK-технологияни ихчам фотопринтерлар ишлаб чиқарувчи компанияларга лицензия асосида беради. Бундай принтерлар, жумладан Insta-Share Printer 2 га 3 дюйм ўлчамдаги (тахминан 5 га 8 см ли) суратларни чоп этади. Чоп этиш учун суратларни нафақат смартфондан, балки Facebook, Instagram ёки Google Photos’дан юклаш мумкин.
Қурилма 199 доллар – Polaroid’нинг ZINK технологиясига эга бошқа мобил принтерларидан 80 доллар қимматроқ туради. Янги қурилманинг портативлиги шартлидир, чунки бундай қалин ўлчамли қурилма билан ҳамма смартфонни ҳам чўнтакка жойлаштириб бўлмайди.
Мавзуга оид
14:35 / 09.10.2024
Эксперимент: Маърузада смартфонлардан қисқа муддат фойдаланиш талабаларга диққатни жамлашга ёрдам бериши мумкин
12:24 / 06.09.2024
Смартфонлар мия саратонига сабаб бўлиши ҳақидаги фикрлар асоссиз деб топилди
15:18 / 22.04.2024
Прокуратура ва қатор давлат идоралари қимматбаҳо смартфонлар сотиб олмоқда
15:32 / 13.04.2024