Қўшимча функционаллар
-
Тунги кўриниш
«Пул ёки озодлик»: саудиялик шаҳзодаларга танлаш имконияти берилган
Фото: Shutterstock
Саудия Арабистони ҳукумати подшоҳлик оиласининг коррупцияда гумонланиб қўлга олинган аъзоларига мол-мулкларини озодликка алмаштириш таклифи билан чиқди. Бу ҳақда Financial Times нашри ўз манбаларига таянган ҳолда ёзмоқда.
Нашрнинг аниқлик киритишича, ҳукумат шу тариқа давлат ғазнасини юз миллиардлаб долларга тўлдиришни режалаштириб қўйган.
«Улар Ritz’да (Ritz-Carlton меҳмонхонаси – таҳ.) бўлган аксарият билан музокаралар олиб боришмоқда. Уларга мол-мулк, пулларни чиқаринг ва озод бўлишингиз мумкин, дейилган», - дея айтиб ўтган манба.
Газета суҳбатдошининг сўзларига кўра, қўлга олинган миллиардерлардан бирига ўз бойлигининг 70 фоизини давлатга ўтказиб бериш таклифи билан ҳам чиқишган. Қайд этилишича, бу коррупция фаолияти туфайли етказилган зарарни қоплашга кетади.
Эслатиб ўтамиз, аввалроқ ОАВ саудиялик миллиардерлар ваҳимага тушиб қолгани ҳақида хабар берганди.
Саудия Арабистонида тахт кураши
4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.
