Бағдод Эрон ва Туркия билан чегара ҳудудларида назорат ўрнатди
Ироқ марказий ҳукумати Туркия ва Эрон билан чегара ҳудудларида назорат-ўтказув пунктларида назоратни ўз қўлига олган.
Ироқ бош вазири Ҳайдар ал-Ободийнинг давлат маслаҳатчиси Эҳсон аш-Шаммарийнинг маълум қилишича, Курд мухторияти маъмурияти мамлакат шимолидаги барча назорат-ўтказув пунктларини расмий Бағдодга топширган.
«Ироқ Курдистони Ироқ Конституциясига амал қилган ҳолда чегарадаги барча ўтказув пунктлари ва божхона пунктларини, шунингдек, мамлакат шимолидаги аэропортлар назоратини марказий ҳокимиятга топширди», - дея ёзган аш-Шаммарий ижтимоий тармоқда.
Айни вақтда махсус қўмита иш режаси тайёрланган ва Бағдоддагилар Арбил вакиллари қарорини кутишмоқда.
«Референдум ортда қолди», - дея қайд этган Ироқ бош вазири маслаҳатчиси. У Ироқ Курдистони раҳбарияти вакиллари Бағдодга таклиф этилганини қўшимча қилган.
Мавзуга оид
21:57 / 07.09.2024
АҚШ Ироқдан қўшинларини олиб чиқиш санаси маълум бўлди — ОАВ
20:44 / 03.09.2024
Швейцария 33 йилдан кейин Ироқдаги элчихонасини қайта очди
20:26 / 13.08.2024
Ироқда қизлар учун никоҳ ёшини 9 га тушириш таклиф этилди
20:54 / 11.08.2024