Усмоновнинг бир компанияси бошқа бир компаниясининг 58 фоиз акцияларини ўз шўъбасига берди
«Мегафон» оператори Mail.ru Group’нинг компания иқтисодий улушидаги 5,23 фоиз акциялари ёки овоз бериш ҳуқуқини тақдим этувчи 58,87 фоиз акциясини 100% шўъбаси бўлган Lefbord Investments Limited ширкатига берди. Бу ҳақда операторнинг материалларида айтилади.
Интернет-компания акцияларини оператор тузилмасига ўтказиш «Мегафон»нинг «Газпромбанк», «Ростех» ва Алишер Усмоновнинг USM Holdings компаниялари билан биргаликда рақамли иқтисодиёт соҳасида рақамли хизматлар ва лойиҳаларни ишлаб чиқиш учун мўлжалланган қўшма корхонани яратиш доирасида назарда тутилган.
«Мегафон» Lefbord Investments Limited компаниясига «МегаФон»га тегишли бўлган 100 фоиз акциялар, Mail.ru Group Limited’нинг А тоифасидаги 11 500 100 акциясини Lefbord Investments Limited компанияси устав капиталига ҳисса қўшиш йўли билан берди», - дейилади компания материалларида.
Қўшма корхона «МФ технологии» АЖ негизида ташкил этилади. Ҳозир бу тузилма Lefbord’га тегишли. Келишувнинг бир қисми сифатида «Газпромбанк» Leftbord’дан МФТнинг 35 фоиз акцияларини, USM - 9% ва «Ростех» - 11% акцияларини сотиб олади. Келишув натижасида Lefbord’да 45% акциялар қолади. Шартнома доирасида МФТнинг 100% акциялари қиймати 450 млн АҚШ долларини ташкил қилди. «Мегафон» компанияси ижрочи директори Геворг Вермишяннинг ТАСС’га билдиришича, томонлар келишувни 2018 йилнинг май ойида ёпишни режалаштирмоқда. Тўплам шўъба тузилмасига ўтказилганидан сўнг, «Мегафон»да Mail.ru Group’даги иқтисодий улушнинг 10 фоизи қолади, оператор бу қимматбаҳо қоғозларни сотиш ниятида эмас.
Мавзуга оид
21:22 / 01.10.2024
Алишер Усмонов Германия судида яна бир бор ютиб чиқди
20:26 / 27.09.2024
Украина суди Алишер Усмоновнинг қарийб 50 миллион доллар активларини мусодара қилди
22:30 / 22.08.2024
Алишер Усмонов россияликларга нисбатан жорий қилинган санкциялар тескари самара берганини айтди
19:40 / 17.06.2024