Ўзбекистон бензин ишлаб чиқаришни оширди, нефть қазиб олишни қисқартирди

Фото: autonews.ua

2018 йил январь-октябрь ойларида Ўзбекистон бензин ишлаб чиқаришни 2017 йилнинг шу даврига нисбатан 6,2% га оширди - 966,8 минг тоннагача. Бундан Давлат статистика қўмитаси маълумотлари дарак бермоқда.

Ҳисобот даврида дизель ёқилғиси ишлаб чиқариш ҳажми 900,1 минг тоннани ташкил қилди, бу 2017 йилнинг шу даврига нисбатан 10,6% га кўпдир.

Шу билан бирга, 2018 йил январь-октябрда Ўзбекистон нефть қазиб олишни 2017 йилнинг шу даври билан таққослаганда 9,2 фоизга қисқартирди - 624,3 минг тоннагача.

2018 йил январь-октябрь ойларида табиий газ қазиб олиш ҳажми қарийб 49,46 миллиард куб метрни ташкил этди, бу 2017 йилнинг шу даврига нисбатан 6,8 фоизга кўп.

2018 йил январь-октябрь ойларида Ўзбекистон 1,74 миллион тоннадан ортиқ газ конденсати олди, бу 2017 йилнинг тегишли даврига нисбатан 10,5 фоизга кўпдир.

Эслатиб ўтамиз, аввалроқ Ўзбекистон январь-октябрь ойларида қанча енгил автомобиль ишлаб чиқаргани маълум бўлганди.

#статистика #Бензин