Бухорода «Каптива» ҳайдовчиси ўзини «ранжитган» ҳайдовчи машинасини ўққа тутди
Бухоро вилоятининг Ғиждувон туманида пневматик тўппонча қўллаган “Каптива” русумидаги автомобил ҳайдовчиси қўлга олинди. Бу ҳақда ОАВ хабар берди.
Бухоро вилояти ички ишлар бошқармаси матбуот хизмати маълумотларига кўра, 20 июлда Ғиждувон туманида “Каптива”нинг 30 ёшли ҳайдовчиси маст ҳолатда машина бошқарган. У шу куни туман марказига келиб, “Кактус” кафеси ёнида “Матиз” ҳайдовчиси билан тортиша бошлаган. Даҳанаки жангдан кейин “Каптива” ҳайдовчиси пневматик тўппонча чиқариб, “Матиз”нинг ён ойнасига ўқ узиб, уни синдирган.
Кейинроқ қоидабузар ҳайдовчи ушланган ва унга Ўзбекистон Республикаси Жиноят кодексининг 277-моддаси (Безорилик) бўйича жиноий иш қўзғатилган. Энди у 300 соатдан 360 соатгача жамоат ишлари ёки бир йилдан 3 йилгача озодлиги чекланиши ёхуд 3 йилгача озодликдан маҳрум қилиниш билан жазоланиши мумкин.
Мавзуга оид
07:50 / 21.09.2024
Ўзбекистонда 263 дона қадимий тангани Туркияга яширинча олиб кетаётган шахс ушланди
13:54 / 10.09.2024
2025 йил сентябр ойида Бухоро биенналеси ташкил этилади
20:34 / 31.08.2024
“Аввало ўзбек тилида ёзилсин” — Бухорода реклама баннерлари ва лавҳалар нега олиб ташланяпти?
07:32 / 20.07.2024