Тереза Мэй истеъфога чиқди
Британия бош вазири Тереза Мэй қиролича Елизавета II’дан эгаллаб турган лавозимидан озод этишни сўраб истеъфога чиқди.
Мэй бош вазир сифатида депутатлар билан охирги савол-жавоблар сессиясини ўтказиб ва ўз девонхонаси ходимлари билан хайрлашиб, Букингем саройига қиролича қабулига йўл олган ва у ердан парламент қуйи палатасининг оддий депутати мақомида чиққан.
Мэй кетидан Консерватив партия етакчиси этиб сайланган Борис Жонсон қиролича қабулига йўл олади. У қиролича ёнидан бош вазир сифатида чиқади ва янги мақомдаги илк нутқидан кейин ўз ҳукуматини шакллантиришни бошлайди.
Мэй Британия ҳукуматига 2016 йил 13 июлдан бошчилик қилиб келган. У жорий йилнинг 7 июнида Европа Иттифоқидан чиқиш бўйича музокаралар муваффақиятсиз кечаётгани сабабли Консерватив партия етакчиси лавозимидан кетган. Шу билан бирга у партияга янги етакчи сайлангунча бош вазир ваколатларини бажариб турган. 23 июлда партияга Лондоннинг собиқ мэри ва собиқ ташқи ишлар вазири Борис Жонсон етакчи этиб сайланган.
Мавзуга оид
23:18 / 06.09.2024
Словакия бош вазирига ўқ узган ёзувчи ўзининг озод этилишини сўрамоқда
19:15 / 16.08.2024
Таиланд собиқ бош вазирининг қизи ҳукумат раҳбари этиб сайланди
21:25 / 14.08.2024
Таиланд суди конституцияни бузган бош вазирни лавозимдан озод қилди
20:29 / 09.01.2024