Tereza Mey iste'foga chiqdi
Britaniya bosh vaziri Tereza Mey qirolicha Yelizaveta II’dan egallab turgan lavozimidan ozod etishni so‘rab iste'foga chiqdi.
Mey bosh vazir sifatida deputatlar bilan oxirgi savol-javoblar sessiyasini o‘tkazib va o‘z devonxonasi xodimlari bilan xayrlashib, Bukingem saroyiga qirolicha qabuliga yo‘l olgan va u yerdan parlament quyi palatasining oddiy deputati maqomida chiqqan.
Mey ketidan Konservativ partiya yetakchisi etib saylangan Boris Jonson qirolicha qabuliga yo‘l oladi. U qirolicha yonidan bosh vazir sifatida chiqadi va yangi maqomdagi ilk nutqidan keyin o‘z hukumatini shakllantirishni boshlaydi.
Mey Britaniya hukumatiga 2016 yil 13 iyuldan boshchilik qilib kelgan. U joriy yilning 7 iyunida Yevropa Ittifoqidan chiqish bo‘yicha muzokaralar muvaffaqiyatsiz kechayotgani sababli Konservativ partiya yetakchisi lavozimidan ketgan. Shu bilan birga u partiyaga yangi yetakchi saylanguncha bosh vazir vakolatlarini bajarib turgan. 23 iyulda partiyaga Londonning sobiq meri va sobiq tashqi ishlar vaziri Boris Jonson yetakchi etib saylangan.
Mavzuga oid
23:18 / 06.09.2024
Slovakiya bosh vaziriga o‘q uzgan yozuvchi o‘zining ozod etilishini so‘ramoqda
19:15 / 16.08.2024
Tailand sobiq bosh vazirining qizi hukumat rahbari etib saylandi
21:25 / 14.08.2024
Tailand sudi konstitutsiyani buzgan bosh vazirni lavozimdan ozod qildi
20:29 / 09.01.2024