Алмазбек Атамбоевни қўлга олиш бўйича иккинчи амалиёт бошланди
Қирғизистон собиқ президенти Алмазбек Атамбоевни қўлга олиш бўйича янги амалиёт бошланди. Бу ҳақда Knews хабар қилмоқда.
Қайд этилишича, ҳуқуқ-тартибот идоралари ходимлари Атамбоевнинг тарафдорларига нисбатан махсус воситалардан фойдаланмоқда.
Маълумотларга кўра, кучишлатар тузилмалар ходимлари Алмазбек Атамбоевнинг Қўй-Тошдаги қароргоҳини ўраб олишган. Ходимлар бир қисми қароргоҳ ичига киргани, Атамбоев тарафдорларидан бир гуруҳи эса воқеа жойидан узоқлашгани айтилмоқда.
Пойтахт Бишкекда эса савдо марказлари, дўконлар ёпилишни бошлаган. Бунга Атамбоев томонидан эълон қилинган муддатсиз митинг сабаб бўлиши мумкин.
Гувоҳларнинг ижтимоий тармоқларда хабар беришича, кучишлатар ходимлар Бишкекдан Қўй-Тош қишлоғига олиб борувчи йўлни тўсиб қўйишган.
Бундан олдин, Қўй-Тош қишлоғида милиция ходимлари ва собиқ президенти Алмазбек Атамбоев тарафдорлари ўртасида тўқнашув бошланганди.
Мавзуга оид
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
20:33 / 14.09.2024
Водийдаги тантана, Бойсундаги мавҳумлик ва АЭС бўйича якуний битим — ҳафта дайжести
19:03 / 14.09.2024