Смартфонларни қувватлашда кенг тарқалган хато маълум қилинди
Смартфон эгаси ўз қурилмасини туни билан қувватланишга қўйиши ва батареяси 100 фоиз тўлгач ҳам қувватлаш қурилмасидан узмаслиги сабабли смартфон аккумулятори хизмат муддати қисқаради. Бу ҳақда Business Insider нашрига BatterieIngenieure немис компанияси директори Доминик Шульте сўзлаб берди.
Экспертнинг таъкидлашича, смартфон батареяси захираси қувватланганлик даражаси 30-50 фоиз бўлганда секинроқ қисқаради. Мутахассис, мисол учун, гаджетларни эрталаб қувватлашни тавсия қилган.
Business Insider’да таъкидланишича, смартфонларда қўлланувчи барча литий-ионли аккумуляторлар кимёвий таркиби ўзгариши сабабли эскиришга мойил. Шу сабабли улар чекланган хизмат муддатига эга.
Шу билан бирга Google компаниясининг маҳсулотлар бўйича менежери Роналд Хонинг айтишича, бугунги кунда компаниялар ўз қурилмаларида қувватлашни оптималлаштириш технологиясини қўллаётганлари сабабли смартфонни ҳаддан зиёд узоқ қувватлаш зарарлиги ҳақидаги фикр ўз долзарблигини йўқотган. Унинг таъкидлашича, баъзи қурилмаларда батарея 100 фоиз тўлгач, уни қувватлаш тўхтайди.
Mail.ru мутахассиси Дмитрий Рябининнинг таъкидлашича, смартфон батареясининг 100 фоизгача қувватланиши унинг тўлиқ қувватсизланиши каби аккумулятор хизмат муддатини қисқартиради.
Таъкидланишича, Apple ва Samsung компаниялари ҳам смартфон батареяси қувватини 50 фоиз атрофида ушлашни тавсия қилишади.
Мавзуга оид
12:24 / 06.09.2024
Смартфонлар мия саратонига сабаб бўлиши ҳақидаги фикрлар асоссиз деб топилди
15:18 / 22.04.2024
Прокуратура ва қатор давлат идоралари қимматбаҳо смартфонлар сотиб олмоқда
15:32 / 13.04.2024
Нархи 600-800 доллар оралиғидаги энг кўп сотилган 20 та смартфон номи эълон қилинди
18:51 / 13.03.2024