Қўшимча функционаллар
-
Тунги кўриниш
Ўзбекистон | 10:19 / 25.01.2021
112441
1 дақиқада ўқилади
Янги авлоддаги Tracker’нинг нархи маълум қилинди
Кроссовернинг базавий комплектация 166,9 млн сўмга тушади. LT комплектацияси эса 222 млн сўм.
Жорий йилнинг 25 январь кунидан бошлаб Chevrolet Tracker кроссовери ўрнини янги авлоддаги Tracker эгаллайди. Бу ҳақда «Ўзавтосаноат» хабар бермоқда.
Янги Tracker панорама люк, LED чироқлар ва 8 дюймлик сенсорли экранга эга бўлган аудиотизим билан жиҳозланган.
Машинанинг техник хусусиятлари қуйидагича:
- замонавий уч цилиндрли ECOTEC турбомотор;
- аралаш циклдаги ёқилғи сарфи 5,5 л/100 км, қуввати 123 от кучи;
- 6 поғонали автоматик узатмалар қутиси;
- калитсиз салонга кириш ва двигателни ишга тушириш;
- ёнилғи сарфини тежашга мўлжалланган «STOP-START» интеллектуал тизими;
- янгиланган ва катта ҳажмли юкхона.
Янги Tracker’нинг нархи бошланғич комплектацияда 145 млн сўмдан бошланади. LT комплектация эса - 193 043 478 сўм.
Компания нархларни қўшимча қиймат солиғисиз (ҚҚС) кўрсатган.
Қўшимча қиймат солиғи билан ҳисоблаганда базавий комплектация 166,9 млн сўмга тушади, LT комплектацияси ҚҚС билан 222 млн сўмни ташкил этади.
