Қонликўлда мансабдорлар 653 млн сўм бюджет пулини талон-торож қилди
Қонликўл туманида бюджет маблағларини талон-торож қилган МЧЖ раҳбари ва бошқаларга нисбатан жиноят иши қўзғатилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Департаментнинг Қонликўл тумани бўлими ўтказган терговга қадар текширувда туман қишлоқ хўжалиги бўлими ва «A.O.» МЧЖ мансабдор шахслари ҳудуддаги «Суенли» каналига насос агрегати ўрнатиш ва электр тармоғини таъмирлаш давомида ҳар бири 217,7 млн сўмлик 3 дона «SNPE-500/10» русумли насос агрегатлари ўрнатмаган. Шундай бўлса-да, ҳужжатларга сохта маълумотлар киритиш орқали жами 653,1 млн сўм бюджет маблағларини ўзлаштириш ва растрата қилиш йўли билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Мавзуга оид
08:50 / 21.09.2024
«Очиқ бюджет» порталида «Маҳалла бюджети» бўлими ишга тушди
18:10 / 12.09.2024
Ўзбекистон сузиш федерацияси мансабдорлари томонидан 2 млрд сўмдан ошиқ маблағ талон-торож қилинди
22:26 / 27.08.2024
Кир Стармер Британияни оғир иқтисодий келажак кутаётганидан огоҳлантирди
07:07 / 23.08.2024