«Очиқ бюджет» порталида «Маҳалла бюджети» бўлими ишга тушди
У орқали маҳаллалар кесимида Маҳалланинг ижтимоий-иқтисодий муаммоларини ҳал этиш жамғармасига ўтказилган маблағлар ва уларнинг сарфланишини кузатиш мумкин.
«Очиқ бюджет» порталида «Маҳалла бюджети» бўлими ишга туширилди.
Иқтисодиёт ва молия вазирлиги хабарига кўра, бўлим орқали ҳар бир маҳалла кесимида жисмоний шахслар томонидан тўланган мол-мулк ва ер солиғининг 10 фоизи ҳисобидан Маҳалланинг ижтимоий-иқтисодий муаммоларини ҳал этиш жамғармасига ўтказилган маблағлар ва амалга оширилган харажатларни кузатиб бориш мумкин.
Ҳар бир маҳалла кесимида жамғармага йўналтирилган маблағлар, амалга оширилган харажатлар миқдори ва йўналишлари, жамғармадаги мавжуд қолдиқ маблағлар тўғрисида маълумотлар билан танишиш имконияти яратилган.
Вазирлик жамғармалар ҳар бир маҳалла учун алоҳида тарзда очилгани, уларнинг маблағлари фуқароларнинг таклифлари ва «маҳалла еттилиги»нинг қарори асосида ижтимоий аҳамиятга эга муаммоларни ҳал этиш учун сарфланишини эслатиб ўтди.
Мавзуга оид
22:26 / 27.08.2024
Кир Стармер Британияни оғир иқтисодий келажак кутаётганидан огоҳлантирди
07:07 / 23.08.2024
“Ташаббусли бюджет”да ғолиб лойиҳаларни молиялаштиришга 2 трлн сўмдан ортиқ маблағ йўналтирилади
22:01 / 22.08.2024
Қозоғистон, Ўзбекистон, Қирғизистон ва Тожикистон спортга қанча маблағ сарфламоқда?
13:18 / 13.08.2024