Қўшимча функционаллар
-
Тунги кўриниш
Германия компанияси “дунёдаги энг хавфсиз Android-смартфон”ни тақдим этди
NitroPhone 1да Google компаниясининг аввалдан ўрнатилган иловалари ва компания булутли сервислари билан синхронлашиш хизмати йўқ – бу эса эҳтимолий кузатувни йўққа чиқаради.
Фото: Nitrokey
Германиядаги ҳимояланган ноутбук ва компьютерлар ишлаб чиқариш билан шуғулланувчи Nitrokey компанияси NitroPhone 1 смартфонини тақдим этди. Компаниянинг билдиришича, у «сайёрамиздаги энг хавфсиз Android-қурилма» ҳисобланади.
У Pixel 4a смартфони негизида ишлаб чиқарилган.
Қурилмага ҳимояланган GrapheneOS операцион тизими ўрнатилган.
NitroPhone 1да Google компаниясининг аввалдан ўрнатилган иловалари ва компания булутли сервислари билан синхронлашиш хизмати йўқ – бу эса эҳтимолий кузатувни йўққа чиқаради. Смартфонга ўрнатиладиган иловалар унинг эгаси ҳаракатлари тўғрисида маълумот тўплай олмайди. Иловалар шунингдек, қурилманинг IMEI, MAC-манзил ва бошқа маълумотларини ҳам аниқлаш имкониятига эга бўлмайди. Смартфон йўқолиб қолган тақдирда бироз вақтдан сўнг автоматик тарзда блокланади.
Nitrophone 1 нархи 630 евро деб баҳоланмоқда.
Data Bridge Market Research тахминига кўра, 2027 йилда ҳимояланган смартфонлар бозори ҳажми 5,96 млрд долларга етади.
Мавзуга оид
22:03 / 14.07.2023
Олинмайдиган батареяларга эга смартфонлар ўтмишда қолиши мумкин
21:03 / 28.06.2022
Nothing Phone 1 шаффоф смартфонининг нархи маълум қилинди
22:34 / 10.01.2022
Honor букланувчи смартфонини тақдим этди
17:05 / 15.07.2021