Ражаб Эрдўғаннинг Самарқандга келиши тасдиқланди
Туркия президенти Ражаб Эрдўғаннинг Самарқандда ўтадиган Шанҳай ҳамкорлик ташкилоти саммитида иштирок этиши тасдиқланди.
TRT телеканалига кўра, Эрдўған август ойи бошида Сочидаги учрашувда Владимир Путинга Самарқандда ўтадиган саммитда иштирок этишини маълум қилган.
Тошкентда ўтказилган брифингда ШҲТ бўйича Ўзбекистоннинг миллий координатори Раҳматилла Нуримбетов Эрдўғаннинг Самарқанддаги саммитга келиши кутилаётганини тасдиқлади. Шунингдек, Туркманистон президенти Сердар Бердимуҳаммедов ҳам келиши кутилаётганини маълум қилди.
Аввалроқ Эрон нашри Сурия президенти Башар Асад ҳам Самарқандда ўтадиган саммитга келиб Туркия президенти Ражаб Эрдўған билан учраши ҳақида хабар берган, Нуримбетов эса бу маълумотни тасдиқламаган эди.
Маълумот учун, 2001 йилда ташкил этилган ШҲТга Ўзбекистон, Хитой, Покистон, Ҳиндистон, Қирғизистон, Қозоғистон, Тожикистон ва Россия аъзо ҳисобланади. Афғонистон, Эрон, Мўғулистон ва Беларус кузатувчи мақомида.
Мавзуга оид
09:54 / 20.09.2024
Самарқандда қизларни Ўмон давлатига фоҳишаликка жўнатган аёлларга суд ҳукми ўқилди
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024
Самарқандда мактабда қарта ўйнаган директор ишдан олинди
22:29 / 12.09.2024